හීන එක්ක 2018

පුංචි කාලේ හීනයක් තිබ්බා කවදා හරි මෙන්න මේ දේ කරනවයි කියලා. ඊට පස්සේ ඒ හීනේ අමතක වෙලා ගිහින් වෙන හීනයක් ආවා. ඔහොම ඔහොම ගිහින් ජිවිතේ අංශක 180 කින් විතර හැරිලා තියෙන්නේ කියලත් නොහිතෙනවානම් නෙවෙයි.

ජිවිතේ කියන්නේ සල්ලි නොවුනට සල්ලි වලට ගොඩක් දේවල් නම් කරන්න පුළුවන් කියලා අපි හැමෝටම තේරෙනවනේ. ඉතින් සමහර වෙලාවට අපිට හීන අමතක කරලා ඉලක්කවලට යන්නත් වෙනවා.

ජිවිතේ කියන්නේ ඉලක්කයක් නෙවෙයි. ඉලක්ක පස්සේ යන්න ගියොත් හැබැයි අපිට ජිවිතේ රහ විදින්න අමතක වෙන්න පුළුවන්. හැබැයි ඒ අතින් බලද්දී හීන නම් පට්ට. මොකද හීන ජීවිතෙත් එක්ක බැදිලා තියෙන්නේ. හීන හරි සුන්දර වෙන්නේ එකයි.

එක එක කාලෙට එක එක හීන. ඉෂ්ට නොවුනත් මහා ලොකු දුකක් නෑ. ඒ වගේමයි ආපහු කාලයක් ගියාට පස්සේ හැරිලා බලද්දී ආයෙත් වුනත්  අපිට ඒ හීනෙට යන්න පුළුවන්.

විදින එකයි විදවන එකයි කියන්නේ දෙකක් උනාට වෙලාවකට විදවන එකෙත් අමුතුම විදීමක් නැතුවම නෙවෙයි.ආයෙත් මම එන්නම්කෝ කතාවට. එහෙම නැත්නම් සිහින, ජිවිතේ රහ කරන දෙයක්. හීන හැබෑ  කරගන්නවාට වඩා හීන දැක දැක ඉද්ද්දීත් වෙනම ආතල් එකක් නැතුවම නෙවෙයි .

අනේ මන්ද මට පිස්සුද කියලා. එත් තේරෙන්නේ නෑ. ජිවිතේ අවුරුදු 4ක් ගෙවුනා ඉලක්කයක් පස්සේ. ආපහු ජීවිතේට හීන දකින්න කාලේ හරි කියලා හිතෙනවා. එත් ඉතින් කියන්න බෑ . මොකද කාලය කොතරම් නපුරුද කියලා ඒ කාලේ ගී පද රචකයෝ ලිව්වේ නිකමටම නෙවෙයි නේ. 

ඉතින් බලමු 2018 අවුරුද්ද හීන හැබෑ වෙන අවුරුද්දක් ද කියලා කාලයටම ඉඩ දීලා.