Wednesday, October 11, 2017

මොරටු සරසවිය පැත්තෙන් ...



මොරටු සරසවිය පැත්තෙන් තවත් අලුත් දෙයක් අහන්නට ලැබුනා. මාස ගාණක විතර උත්සාහයකින් පස්සේ 2017 උසස් පෙළ ලියපු සිසුන්ගේ ඉදන් සියලු දෙනාවම ඉංජිනේරු පීඨයේ පවතින දෙපාර්තමේන්තු සදහා Z Score කියන සාධකය මත පදනම් වෙලා ගන්න තීරණය කරලා තියෙනවාලු. 
මම කියන්නම් දැනට කොහොමද ගන්නේ කියලා මුලින්ම,


සාමන්‍යයෙන් මේ දක්වා මා දාන්න කාල සීමාව තුලදී දෙපාර්තමේන්තු සදහා අරගෙන තිබුනේ විශ්ව විද්‍යාලයට පිවිසියාට පසුව මාස 5  ක් වැනි කෙටි කාලයකදී පවත්වනු ලබන විභාගයක් හරහා විෂයන් 6 කට ( විෂයන් 6 හරහා සියලු දෙපාර්තමේන්තු නියෝජනය වීමක් සිදු නොවේ ) ලබා ගන්න සියලු ලකුණු  ඇසුරෙන් වෙන වෙනම භරිත මධ්‍යන්නයකින් ගණනය කර එහි ඉහලම ලකුණු ලබා ගන්නා පිළිවෙල අනුව තමන් කැමති දෙපාර්තමේන්තුව ඉල්ලීමේ ක්‍රියාවලියයි. මෙහිදී සලකා බලනු ලබන්නේ ලංකාවේ සතර දික් භාගයෙන් පැමිණි සිසු සිසුවියන් ( ඉංග්‍රීසි / සිංහල/ දෙමළ මාධ්‍ය ) එකම භාෂාවක් හරහා මුහුණ දීම තුලින් සාධාරණව දෙපාර්තමේන්තු ලබා දීමයි. නමුත් මේ තුල ඇති ප්‍රධාන ගැටලුව වන්නේ දැනුම මෙන්ම විටක ඊටත් වඩා වැඩි අගයක් භාෂාව යන කාරණයට ලඝු වීමයි. දැනට පවතින මෙම ක්‍රමයේ ප්‍රධාන අවාසිය වන්නේ ලංකාවේ ඉහලම ස්ථාන දිනාගෙන විශ්ව විද්‍යාලයට පැමිණෙන සමහරක් සිසුන්ට ඉහත කී පළමු සමාසික විභාගයෙන් පසුව විශ්ව විද්‍යාලයට ඉක්මනින් හැඩ නොගැසීමේ පල විපාකයට මුහුණපා තමන් අකමැති දෙපාර්තමේන්තුවකට පිවිසීමට ( මෙය පුද්ගල බද්ධ සාධකයක් පමණක් වන අතර රැල්ලට යාමක්ද දක්නට ඇත) සිදු වීමයි.  වසර ගණනක් පසු පසට හැරී බලන විට ඔවැනි හේතු මත තම උපාධිය අතහැර ගිය සිසුන් ප්‍රමාණය සැලකිය යුතු ප්‍රමාණයකි.

එසේ නම් කල යුත්තේ කුමක් ද ?

විසදුම් කීපයක් පෙනෙන්නට තිබේ. එකක් නම් අනෙක් සියලුම රාජ්‍ය ඉංජිනේරු පීඨ වල සිදුවන අයුරෙන් වසරක කාලයක් සමාන විෂයන් සියල්ලන්ටම ලබා දී ඒ අවසානයේ ලබා ගන්නා ලකුණු මත පිළිවෙල ස්ථාන ගත කිරීමයි. ඒ විට භාෂා දැනුම වුවද අවශ්‍ය ප්‍රමාණයට සාදා ගැනීමට විද්‍යාර්ථයාට හැකිවේ. තව දුරටත් කියන්නේ නම් විශ්ව විද්‍යාලයට හැඩ  ගැසීමට කල් වෙලාව ලැබේ.

අනෙක නම් දැන් ගෙන ඒමට සැරසෙන Z –Score කතාවය. දන්නා හැටියට කතාව මෙසේය. පළමු සමාසික විභාගය පෙර පරිදිම පැවැත්වෙන නමුදු එය දෙපාර්තමේන්තු බෙදීම සදහා භාවිත නොවේ. එනම් පළමු සමාසිකයෙන් පසුව සිසුන්ට දෙපාර්තමේන්තු ඉල්ලුම් කරන්නට ලැබෙන්නේ තමන් ලැබූ උසස් පෙළ Z-Score එක මත පිහිටාය.

හිතන්න  බදුල්ල දිස්ත්‍රික්කයෙන්  සිංහල මාධ්‍යයෙන් උසස් පෙළ සදහා මුහුණ දී Island Rank එක 151 ලබා ගත් නමුදු විශ්ව විද්‍යාලයට පැමිණි පසුව පළමු සමාසික විභාගයෙන් 616 වෙනියා වන සිසුවා සහ කොළඹ දිස්ත්‍රික්කයෙන් මුහුණ දී 701 වන ස්ථානය ලබා පැමිණ විශ්ව විද්‍යාල විභාගය තුලින් 429 වැනි ස්ථානය ලබන සිසුවා යන දෙදෙනාම සැලකුවහොත් පවතින ක්‍රමය තුල දක්ෂයා වන්නේ Island Rank එක 701 ලබා ගත් සිසුවාය. නමුත් එය පවතින ක්‍රමය තුල මිස සැබෑ වම වෙයි කිවනොහැකිය.

නමුත් යෝජිත ක්‍රමය හරහා Island rank එක 151 වූ සිසුවාට යම් සාධාරණයක් කර තිබේ. පළමු සමාසිකය තුල සමහර විද්‍යාර්ථයන් හැසිරෙන අයුරු බැලුවහොත් ඔවුන් අධික පීඩනයකට ලක්ව ඇති බව දැක ගත හැකි මහා පොදු සාධකයකි. ( සියල්ල නොවන අතර අති බහුතරයක් එසේ වෙයි )
මෙම නව යෝජිත ක්‍රමයේ අරමුණු බැලුවහොත් මතුපිටින් ඒවා ඉතාම සාධනීය ලක්ෂණ පෙන්නුම් කරයි. මන්දයත් කිසිවෙකුට තමන් ගේ Z එක මත පිහිටා මොරටුවට නොපැමිණ වෙන රාජ්‍ය විශ්ව විද්‍යාලයකට ගොස් තමන් කැමති උපාධිය ලබාගැනීමට හැකියාව ඇත. නැත්නම් දැන් පවතිනාවක් මෙන් කරන එකට කැමති වීමට පිරිසකට සිදු වේ.

නමුත් ඒ හරහා ඇති වෙන ප්‍රධාන ගැටළුවක් වන්නේ අපි ඇත්තටම උසස් පෙළ ලිව්වට පස්සේ ඉංජිනේරු කියලා මොනවද දන්නේ ?? ඇත්ත සිවිල් ඉංජිනේරු යන්න අහලා තියෙන්න පුළුවන් තව ඕනනම් විදුලි ඉංජිනේරුවෝ ගැන අහලා තියෙන්න පුළුවන්. නමුත් එතනින් එහාට අපි මොනවද දන්නේ ? ඇත්තටම මේවල උගන්වන්නේ මොනවද ? මේ කිසිදෙයක් නොදැන කොහොමද අපි වෙන විශ්ව විද්‍යාලයකට යනවද නැත්නම් ඔන්න ඔහේ මොරටුවටම යනවද කියලා තීරණය කරන්නේ. මේ ගැන නිවැරදි මැදිහත් වීමක් දෙන්න පුලුවන්නම් මෙය තරමක් පිළිගත හැකි විසදුමක් බව ලියුම්කරුගේ අදහසයි.

නමුත් මේ හරහා පිරිසක් මතු කරන්නට යෙදෙන A/L සිසුවාගේ මනසට ලොකු බරක් වැටේවි කියන අදහසටනම් කොහෙත්ම එකග නැත. සිසුවාට කැමති දේ කිරීමට නිදහස ඇත. අඩුම තරමේ Z එක මදි කියලා දන්නවානම් තමන් ආසයි කියලා හිතං ඉන්න දේට මොරටු අවොත් යන්න බැරි වෙයි කියලත් දන්නවානම් රැල්ලට නොයා වෙනත් රාජ්‍ය ඉංජිනේරු පීඨයකට යැමේ අවස්ථාව ඔවුන්ට හිමි වෙනවා.

සංවාදයට සුදානම් ;-)

පසු සටහන් : විශ්ව විද්‍යාල ආචාර්යවරුන් කීප දෙනෙක් හා මේ වසර  4 ක් පුරාවට මුණ ගැසුණ මගේම මිතුරන්ගේ කතා මෙයට පදනම විය. 

8 comments:

  1. Kauda e Badullen apu kena? Ara den Panadure inna kenada? ;)

    ReplyDelete
  2. sankalpayi samindui gana neh me kiyanne :p

    ReplyDelete
  3. I totaly agreed.
    But there are some students who are really talented in computer science with low island ranks. If the z score method comes, they have to choose pera for their degree which is not highly ranked like mora CSE. However they have a choise. Also there will be some students who will face AL twice just for entering Mora.
    However the z score method is good for students who have to follow a course which they really don’t like.
    Good post.

    ReplyDelete
    Replies
    1. What I have to say is that currently neither A/L nor Fist year exam is a viable selection tool for selecting fields.Cos A/L as we know lacks technical aspects of engineering and First year exam has the language problem etc

      Delete
    2. I want to be an electronic engineer since my childhood.its not my dream its my life.I'm 804 in AL island rank and in 1st sem exam my rank is 105.LOOK THE DIFFERENCE 699.think their is no 1st cem exam and there will the z score method.then what happen to me

      Delete
    3. @Nithina Sahan That is not a valid counter argument. The only CSE related module in the first semester is Programming Fundamentals which accounts for 3 credits. All 11 remaining credits are from modules that are related to mathematics, physics and chemistry. Hence it'd make little difference to a student who's good at CSE and weak in other subjects

      Delete
  4. අනේ මන්දා ඕවා නම්...ඕවා වලිනුත් කොළඹ දිස්ත්‍රික්කයේ අයට අසාධාරණයක් වෙයි කියලා හිතෙනවා..

    ReplyDelete

පන්නලින් එහා ...

ජිවිතයේ තවත් එක් සංදිස්ථානයක්. පුදුමාකාර මාස 2ක්. ජීවිතය උගන්නපු , ජීවිතය කියල දීපු ආදරණීය නවාතැන්පොලක් .. MAS - Manufacturing Management ...